Pastè Ludovic Louis

Nan Memwa Pastè Ludovic Louis

Past Ludovic Louis, di pastè Dodo, se te yonn nan kontribitè emisyon « Repons Pou Pwoblèm Fanmi Yo. » Li te kwè fanmi an se baz sosyete a e te travay anpil pou kontribye nan fòmasyon moun sou sijè sa a. Konsa li te rejwenn past Jean Claude Ciméus (Codo) e Dr. Mirlande Pierre nan pwogram fanmi nou an.

Anplis volontarya l’ nan Radyo Tele 4VEH, li se fondatè « Mission Baptiste de la Grâce, an Ayiti, li te travay kòm fòmatè e pastè prensipal « L’église Baptiste de la Grâce » nan riyèl Nazon, Okap.

 

4VEH presenters

Past Ludovic se te yon potorik gason, yon moun ki te renmen Bondye e ki te envesti l’ totalman nan travay Senyè a.

Li kite nou nan fen mwa septanm 2016 la. Nou senpatize ak fanmi li e ak manm asanble kote l’ t’ap dirje, ak manm staf Radyo-Tele 4VEH e oditè nou yo. N’ap manke prezans li e bon travay li t’ap fè pami nou men rès ekip la va kontinye ak eritaj pasyon e konsiderasyon li te gen pou fanmi yo e nou byen kontan konnen l’ap rejwi nan prezans Senyè a !

Si w’ te konn koute pastè Dodo sou Radyo Tele 4VEH pataje ak nou nan seksyon kòmantè yo sou paj Facebook Radio-Télé 4VEH kòman Bondye te sèvi ak li pou beni w’ !